İsmayıllı gəncləri hərbi xidmətə hazırdır

  Azərbaycan Respublikası Gənclər və İdman Nazirliyi tərəfindən gənclərin hərbi xidmətə həvəsləndirilməsi məqsədi ilə İsmayıllı rayon Uşaq və Gənclərin İnkişaf Mərkəzinin akt zalında təbliğat xarakterli mədəni-kütləvi tədbir keçirilib.
Tədbirdə Azərbaycan Respublikası  Gənclər və İdman Nazirliyinin vətənpərvərlik və vətəndaşlıq sektorunun müdiri Əli Məmmədov, İsmayıllı rayon İcra Hakimiyyəti başçısının müavini Sevil Əhmədova, Səfərbərlik və Hərbi Xidmətə Çağırış üzrə Dövlət Xidməti İsmayıllı rayon şöbəsinin rəisi Xamis Bədəlov, İsmayıllı rayon Gənclər və İdman İdarəsinin rəisi Taleh Salehov iştirak ediblər. 
           Tədbirdə əvvəlcə  gənclərin hərbi xidmətə həvəsləndirilməsi ilə bağlı tövsiyələr verilib, onların hərbi-fiziki və mənəvi-psixoloji hazırlığının yüksəldilməsi sahəsində görüləcək işlərin əsas istiqamətləri diqqətə çatdırılıb, sonra isə  gənc müğənnilərin ifasında hazırlanmış vətən, vətənpərvərlik, hərbi mövzulu mahnılar, marşlar səsləndirilib, Çağırış xarakterli musiqi nömrələri ifa olunub.