Sərnişinlər saatlarla aeroportda gözlədi - Bakı-Naxçıvan reysində problem

Hazırda Bakı-Naxçıvan reysi üzrə gecikmələr müşahidə olunur.

Hava limanında olan sərnişinlər bildiriblər ki, bir neçə saatdır Naxçıvana gedə bilmirlər.

Məsələ ilə bağlı AZAL-ın mətbuat xidmətinin rəhbəri Paşa Kəsəmənski “Qafqazinfo”ya açıqlamasında gecikmələrin hava şəraiti ilə əlaqədar olduğunu deyib:

“Axşam saat 8-ə işləmiş uçuşu planlaşdırılan Bakı-Naxçıvan reysi Naxçıvandakı faktiki hava şəraitinə görə saat 23:00-a təxirə salınıb. Hazırda reysdə 2 saatdan çox gecikmə var: "Hava şəraitindən asılı olaraq reysin vaxtı yenidən dəyişə bilər. Ancaq hazırkı planlaşdırmaya görə saat 23:00-a nəzərdə tutulub".

Qeyd edək ki, hazırda Naxçıvanda ildırım çaxır, yağışlı hava müşahidə olunur. 

***

Saat 23:00-a planlaşdırılan Bakı-Naxçıvan reysi hələ də baş tutmayıb. Sərnişinlər bu saatadək hava limanında gözlədiklərini və Naxçıvana heç bir uçuş edilmədiyini bildiriblər.